( నా 200 వ పోస్ట్ ... ఆదరిస్తున్న అందరికీ వందనాలతో )
కలకోసమె ప్రతిరేయీ కలవరించి అలిసాను
పగలురేయి నీధ్యానమె చేసుకుంటు గడిపాను
కళ్ళలోన నీరూపమె నిలుపుకుంటు మురిసాను
నాప్రాణమె నీవంటూ బాసలెన్నొ చేసాను
నీప్రేమల వర్షంలో మరలమరల తడిసాను
చెరోచోట మనముంటు కలవలేక పోతున్నా
ఊహలలో నిన్ను చూసి పూవులాగ విరిసాను
ప్రేమలన్ని గుడ్డివని అంటారుగ #నెలరాజా
ప్రేమలోన పడినాకే కనులు తెరచి చూసాను .......@శ్రీ