ఆగంతకుని సంసారం...

ఇది ఓ 3 దశకాల క్రిందటి మాట...

మీతో పంచుకుంటున్నా ఈ పూట...

నాన్నతో ఓ  ఆగంతకుని పరిచయం...

అయింది ఆయనకు అతనిలో ఏదో  ప్రియం...

వెంటనే చేసారు ఆహ్వానం...

మా ఇంట్లోనే పెట్టించాము మకాం...

అమ్మ నాన్న చెప్పేవారు మంచి చెడుల మధ్య భేదం...

ఆగంతకునిదంతా  వేరే మార్గం...

ఆకట్టుకోవడం అతని నైజం....

సాహసాలు..కథలు...కావ్యాలు...హాస్యాలు అతని సొంతం..

అవి చెప్పడంలోనూ అందె వేసిన హస్తం...

ఒకోసారి నవ్విస్తాడు..ఒకోసారి ఏడ్పిస్తాడు..

మాటలాపడు...నిద్రపోడు...

నా మీదే  అమ్మ నాన్నల  ప్రతాపం...

చూస్తూనే ఉన్నా... అతనిపై  ఇవేవీ చెల్లకపోవడం...

ఇంటికి ఎవర్నీ రానిచ్చేవాడు కాడు,

వచ్చినవాళ్ళతో సరిగా మాట్లాడనిచ్చేవాడు కాడు,

మమ్మల్ని ఎక్కడికీ కదలనిచ్చేవాడు కాడు.

అయినా నాన్న అతన్ని ఏమి అనేవారు కాదు...

మద్యం అపుడపుడు తాగమని ప్రోత్సహించేవాడు...

సిగరెట్లు బాగుంటాయని చెప్పేవాడు...

అశ్లీలమైనవి కూడా బాహాటంగా చర్చించడం మొదలెట్టాడు...

మామీద నెమ్మదిగా అతని ప్రభావం పడింది...

స్నేహితులు ఇంటికి రావడం తగ్గింది...

బంధువులు రావడం కూడా తగ్గింది...

చాలా కాలం గడిచిపోయింది...

మాపై అతని మాటల ప్రభావం తగ్గిపోయింది...

అతని పలకరింపులు వినడం కూడా మానేసాం...

ఓ మూలన అతనికి స్థలం కేటాయించాం...

మేమతన్ని నిర్లక్ష్యం చేస్తున్నాం...

అయినా పెళ్లి చేసుకున్నాడు...పిల్లల్ని కన్నాడు...

వాళ్ళని మామీద వదిలేసాడు....

తాను మాత్రం నిశ్చింతగా నిద్ర పోతున్నాడు....  :-) ... :-)

 (ఈ 'టపా'కి నా మిత్రుడు ఫార్వర్డ్  చేసి పంపిన ఓ ఇంగ్లీష్ మెయిల్ ఆధారం)

నా చెవిలో...నా పేరే...

తొలికోడి కూత...

అలారం మోత...

పాలవాడి కేక...

పేపరువాడి అరుపు...

ఏవీ వినిపించటం లేదు.

కాలింగ్ బెల్ సౌండు...

కుక్కర్ విజిల్...

మైక్రోవేవ్ బీప్...

వాషింగ్ మెషిన్ టైమరు శబ్దం...

అసలు తెలియడం లేదు...

అనుక్షణం నా చెవిలో 

నా పేరే..మాటిమాటికీ వినిపిస్తోంది...

ఎందుకో తెలియటం లేదు...

ఈ వింత సమస్యకి పరిష్కారం దొరకడం లేదు...

డాక్టర్ టెస్టులన్నాడు...

స్కేనింగులన్నాడు...

అరకు వేసాడు...

చెవి క్లీన్ చేసాడు...

వైద్యులందరిదీ ఇదే వైద్యం...

బోలెడు ఫీజు అయింది వారికి నైవేద్యం...

అయినా ఫలితం శూన్యం...

నీకు చెప్తే గేలిచేస్తావేమోనని భయం...

నాలో చేసుకున్నాను అంతర్మథనం...

తెలిసింది దీని వెనుక ఉన్న రహస్యం...

చెప్పేస్తా విను సాంతం....

పెళ్లి అయినప్పటి నుండి 

ప్రతిరాత్రి నాకిష్టమైన నీ గుండెలనే
తలదిండుగా చేసుకొని పడుకుంటుంటే,

నీ హృదయస్పందనల నేపథ్య సంగీతంతో,

నీ గుండెలోతుల్లోనుంచి

నిముషానికి 72 సార్లు

నా పేరే నా చెవికి మధురంగా వినిపిస్తుంటే,

నిద్ర లేచాక కూడా అదే పేరు 

చెవిలో పదే పదే  తీయగా ప్రతిధ్వనిస్తుంటే,
......

మరో శబ్దం నా చెవినెలా చేరుతుంది చెప్పు???     
                                   

ముద్దాడుతున్నాయి మరి....

  

నా  పేరు 

"పవన్ ,

ఫాల్గున్, 

బాలు, 

భార్గవ్, 

మురళి "

వీటిల్లో  ఏదీ కాలేదు ఎందుకో???

నా పేరు మార్చేసుకుందామని  ఉంది .

ఎందుకంటావా ?

ఆ  పేర్లు  పలికిన ప్రతీ సారీ 

ఆ పేర్లలోని మొదటి  అక్షరాలు 

నీ  పెదవులను  ముద్దాడుతున్నాయి మరి...


..............
.........
............
..........

(కవిత చదివిన ప్రతి వారూ ఒక్కసారి ఈ పేర్లు పలికి చూస్తారు)

:-)....:-).....:-).......:-) :-)....:-).....:-).......:-):-)....:-).....:-).......:-)