22/03/2012

'నందన' ఉగాది


సిరిమల్లెల ఘుమఘుమలు
నలుదిశల వ్యాపిస్తునాయి.
వసంత కోకిల కుహు,కుహులతో
ప్రకృతి పరవశిస్తోంది.


ప్రతి చెట్టు... పెళ్ళికి ముస్తాబైన 
నవ వధువులా కనిపిస్తోంది.
ప్రకృతి అంతా సౌందర్యమయంగా
ఆనంద భరితంగా కనిపిస్తోంది...


పిల్ల తెమ్మెర లోని చల్లదనంలా...
కోకిల పాటల లోని మాధుర్యంలా...
పూల మకరందపు మత్తులా...
కుసుమ పరాగాల పరిమళంలా...
'నందన' వనం లోని పారిజాతాల వర్షంలా...


"నందన" నామ సంవత్సరం వచ్చేసింది ..
అందరికి ఆనందాన్ని పంచేందుకు.....
అందిరికి నూతనోత్సాహాన్ని ఇచ్చేందుకు...
అందుకే ఈ ఉగాది...నందన ఉగాది,
'ఆనంద' ఉగాది.