17/11/2012

అపురూపం నీ చెలిమి...




నేస్తం...
నీతో స్నేహమంటే...
ఏమిటో చెప్పనా?..
అందరిలాగే నాలుగు 
అందమైన పదాలు జోడించి 
అంత...ఇంత...అంటూ 
పోగిడేస్తావ్...అంతేగా!
అంటూ పెదవివిరుస్తావు...

ఎలా చెప్పేది?
ఎప్పటినుంచో 
వెదుకుతున్న 
ఆత్మీయతల నిధి 
ఇప్పటికి దొరికిందని.
అనురాగాల సన్నిధి 
నేటికి దొరికిందని...

భావ సారూప్యం
ఉన్న నేస్తం దొరకటం
నింగినున్న జాబిలి 
ఒక్క సారి దోసిలిలో పడినంత 
చల్లని అనుభూతినిస్తుందని 
ఇప్పటిదాకా తెలియదు సుమా!...

స్నేహం చేయడం 
ఎంతో సులువు.
అది నిలుపుకోవటం
చాలా కష్టమంటూ 
వ్రాసిన సూక్తులు ఎందుకో నచ్చావు నాకు.
అమలిన స్నేహాన్ని కష్టపడి 
వెతుక్కోగలిగితే 
ఆ స్నేహం నిలుపుకోవడం 
ఎంత సులభమో  అనిపిస్తుంది.

ఎన్ని  గనులు వెదికానో తెలుసా...
నాకు కావలసిన 
వరాల వజ్రాన్ని
పట్టేందుకు.
ఎన్ని వనాలుతిరిగానో 
నెయ్యాల నేమలీకను 
సాధించేందుకు...

శుక్లపక్ష పాడ్యమినాడు
మసక వెలుతురులా 
కనిపిస్తూ... 
దినదిన ప్రవర్ధమానమౌతూ 
నిండు పున్నమి నాటికి 
కోటిదివ్వెల కాంతులతో 
వేలతారల వెలుగులా 
శ్వేతప్రభలతో వెలిగే 
వెండివెన్నెలలా 
ఎప్పటికీ వన్నె తగ్గనిదై ఉండాలి 
మన స్నేహం.

ప్రాతఃకాలపు నీడలా 
ఉండకూడదు
మన స్నేహం...
అపరాహ్నపు ఎండలో... 
బిందువు నుంచి క్రమక్రమంగా 
పెరుగుతూ మనకంటే ఎత్తుగా ఎదిగి పోతూ 
అనంతంగా పెరిగిపోతూ... 
నిశీధిలో కలిసి కరిగిపోయే 
నీడలా ఉండాలి మన స్నేహం.

రెండు స్వార్థపూరితమైన 
మనసుల మధ్య స్నేహం 
కలకాలం నిలవదు...
నీ బాధ నాకన్నీరవ్వాలనే స్వార్థం నాది...
నా సంతోషంలో నీ కంట పన్నీరొలకాలనే స్వార్థం నీది...
ఇలాంటి స్వార్థాల స్నేహం మాత్రం కలకాలం నిలవాలి సుమా!...@శ్రీ 

23 comments:

  1. Replies
    1. ధన్యవాదాలు పద్మార్పిత గారూ!...నా భావం మీకు నచ్చినందుకు @శ్రీ

      Delete
  2. శ్ర్రీ గారు.. స్నేహం విలువని గొప్పగా చెప్పారు.చాలా బాగుంది.

    ReplyDelete
    Replies
    1. ధన్యవాదాలు వనజ గారూ!...
      చెలిమిని నా పదాలతో చెప్పడానికి చేసిన చిన్న ప్రయత్నం @శ్రీ

      Delete
  3. నీ బాధ నాకన్నీరవ్వాలనే స్వార్థం నాది...
    నా సంతోషంలో నీ కంట పన్నీరొలకాలనే స్వార్థం నీది...
    చాలా బాగుంది కవిత. ఈ రెండు లైన్లూ హైలైట్.

    ReplyDelete
    Replies
    1. చిన్ని ఆశ గారూ!
      ధన్యవాదాలు మీ చక్కని విశ్లేషణతో కూడిన స్పందనకు...@శ్రీ

      Delete
  4. శ్రీ గారు
    కవిత బాగుంది. కోటిదివ్వెలు అని ఉండాలేమో కదా.

    ReplyDelete
    Replies
    1. వెన్నెల వీచికకు ధన్యవాదాలు...కవితను మెచ్చినందుకు
      సరిచేసుకున్నాను ధన్యవాదాలు...@శ్రీ

      Delete
  5. Replies
    1. thank u prince...for ur nice compliment...@sri

      Delete
  6. అపురూపమైన ఈ చెలిమి చాలా బాగుంది..

    ReplyDelete
    Replies
    1. ధన్యవాదాలు రాజి గారూ!
      మీకు నా భావాలు నచ్చినందుకు...@శ్రీ

      Delete
  7. చాలా చాలా బాగుంది శ్రీ గారు :)...

    ReplyDelete
    Replies
    1. ధన్యవాదాలు మీకు
      నా భావాలు నచ్చినందుకు...@శ్రీ

      Delete
  8. మీకు కూడా సుమా అంటే ఇష్టమా అండీ భాస్కర్ గారి లాగా :) (సరదాకేనండీ) బాగుంది స్నేహం.

    ReplyDelete
    Replies
    1. భలేవారు సుభ గారూ!...
      సుమా! అనేది అక్కడ పూర్తవడానికి వాడానంతే .:-)
      మీకు నచ్చినందుకు ధన్యవాదాలు...@శ్రీ

      Delete
  9. "ఇలాంటి స్వార్థాల స్నేహం మాత్రం కలకాలం నిలవాలి సుమా!" ఈ ట్విస్ట్ బాగుందండి. స్వార్ధం అనే మాటని ఇక్కడ పాజిటివ్‌గా ఉపయోగించడం నచ్చింది.

    ReplyDelete
    Replies
    1. ధన్యవాదాలు కిశోర్ గారూ!
      మీరు చక్కగా చెప్పారు...
      ఆ కాన్సెప్ట్ తోనే ముగించాను కవితని...
      నిస్వార్థమైన స్నేహమే కదా కలకాలం నిలిచేది...@శ్రీ

      Delete
  10. chaalaa chaalaa baavundandii...srii garu :)

    ReplyDelete
  11. స్నేహబంధం పై అస్త్రమన్నమాట...బాగుందండి:-)

    ReplyDelete
    Replies
    1. శాశ్వతమైన స్నేహ బంధాన్ని
      కోరుకోవడం స్వార్థమే కదూ మరి...
      ధన్యవాదాలు మీ ప్రశంసాస్త్రానికి @శ్రీ

      Delete
  12. ధన్యవాదాలు సుందర ప్రియ గారూ!...
    మీ ప్రశంసకు...@శ్రీ

    ReplyDelete
  13. నీ బాధ నాకన్నీరవ్వాలనే స్వార్థం నాది...

    బావుందండి ఈ భావం

    ReplyDelete