07/08/2013

అలుకకీ అలుకే




నీ అలుకకి కూడా అలుకట
నిన్ను త్వరగా ప్రసన్నం చేసుకోలేదని.
నీఅలుక నాకు అపురూపమే 
అలుకలో నీ అందం కెందామరకి ప్రతిరూపమే. 

అక్షరాలన్నీ పోటీ పడుతున్నాయి
నీవైన నాకైతలనలంకరించాలని
భావచందనాన్ని పూసుకొని
నవ పరిమళాలను వెదజల్లుతున్నాయి
నీ అందాలనుకప్పే భావాంబరానికి
తళుకులద్దాలని తొందరపడుతున్నాయి
ప్రతీ భావనర్తనానికీ
మురిపించే మువ్వలౌతున్నాయి
కళ్యాణ తలబ్రాలు కావాలని
పసిడి రంగు పూసుకుంటున్నాయి

భావాలన్నీ కొత్తకోకలు కట్టుకుంటున్నాయి
నీ మెప్పుపొందాలని.
కాముని శరాలని తోడు తెచ్చుకుంటున్నాయి
కలహమింకచాలించమని
అలుక తీరిన తదుపరి క్షణాలు తలచుకొని
సిగ్గిల్లుతున్నాయి
గమనంలో వయ్యారాలు చూపుతూ
సెలయేటి నడకలను తలపిస్తున్నాయి
నీ సౌందర్యాతిశయాలకు
అక్షర హస్తాలతో మోకరిల్లుతున్నాయి...@శ్రీ .

11 comments:

  1. చక్కటి భావుకత. చాల బాగుందండి.

    ReplyDelete
    Replies
    1. ధన్యవాదాలు భారతి గారు మీ ప్రశంసకి ...@శ్రీ

      Delete
  2. అందమైన అక్షరాలతో అలుకతీరుస్తారని అలుకకి కూడా అర్థమైనట్లుంది, అందుకే అలిగింది "శ్రీ"గారు ;-)

    ReplyDelete
    Replies
    1. అలాగంటారా ...ధన్యవాదాలు పద్మ గారు మీ ప్రశంసకి...@శ్రీ

      Delete
  3. చాల బాగుందండి. Image inka super:-))

    ReplyDelete
    Replies
    1. ధన్యవాదాలు శృతి గారు మీ ప్రశంసకి...@శ్రీ

      Delete
  4. Replies
    1. ధన్యవాదాలు ప్రిన్స్ ...@శ్రీ

      Delete
  5. Beautiful!
    పుస్తక రూపంలోనూ మరి మీ కవితన్నీ మదివిందు చెయ్యనున్నాయనమాట!

    ReplyDelete
    Replies
    1. చిన్ని ఆశ గారు ..ఏక వాక్య కవితల పుస్తకం ఈ నెలాఖర్లో రావచ్చు బహుశా ...
      ధన్యవాదాలు మీ ప్రశంసకి...@శ్రీ

      Delete
  6. శ్రీనివాస్ గారు, ఫేస్‌బుక్ లో తెలుగు రచనల కోసం చూస్తుంటే మీ పేజ్ కనిపించింది. చాలా ఆసక్తిగా అనిపించింది. ఎంతో వైవిధ్యంగా ఉన్నాయి మీ ఫేస్‌బుక్ పేజీలూ. ఇంతకూ మీరు కవా, రచయితా, చిత్రకారులా, ఫోటోగ్రాఫరా? మీ ఆసక్తి అభిరుచి చాలా అభినందనీయం.

    ReplyDelete